broken

"my white white lily, చూడు ఇటు
don't be afraid,
you're still so beautiful" 

అని అన్నాడు అతను: ఎముకలైన చేతులను 
అతని మెడ చుట్టూ 
వేసి, కృంగిన కళ్ళని అతని 

ఛాతిలో పాతుకుని, నెత్తురు పూచే ఒక మొక్కై 
మొలకెత్తుతో, 
పెద్దగా ఏడ్చింది తను: తెగి 

ఉబికే గొంతుకతో, వొణికే శరీరంతో హత్తుకుని 
ఏదో చెప్పాలనీ 
చెప్పలేక,వొదలలేక మరిక 

ఓ ఐదడుగుల అశ్రువై, రాలి చిట్లి చెదిరిపోతో 
చీకటి కమ్మిన
తెల్లని రాత్రుళ్ళలో, నొప్పితో

రేకు రేకుగా వీడిపోతో, తను!