barista/bastard

వొక్కదానివే కూర్చున్నావు నువ్వు
అంతసేపూ,
baristaకదా కాఫీ షాపు పేరు?

మారుతోన్న సూర్యకాంతి. వృక్షాలు
వడపోస్తోన్న
గాలి. లోపలికి వినిపించని

వాహనాల రద్దీ,ఆ హోరు శబ్దాలూ
నీ శరీరంలో
ఇక మ్రోగుతో, ప్రతిధ్వనిస్తో!
***
వొక్కదానివే కూర్చున్నావు నువ్వు
అంతసేపూ!
ఈలోగా మరి చీకటి పడింది,

వెళ్ళే వేళ అయ్యింది: వొంటరిగా
లేచి నువ్వు,
విసుగ్గా అలా కదిలినప్పుడు

bastardకదా నా పేరు అపుడు?