విన్నపం

అట్లా ఉండనివ్వు: కొన్నిటిని -
***
రాత్రి: చల్లటి గాలి.
పిండారబోసిన వెన్నెల్లో చిన్నగా కదిలే ఆకులు.
తేమ -

చీకటి: కొంచెం శాంతి.
కొమ్మల్లో, నిద్ర పెదాలపై చిరునవ్వై వెలిగే ఒక
గూడు -

ఇక ఒక రహస్యం: నీ
లోపల ఎవరో నిన్నే పొదిగే ఈ మార్మిక సమయం.
లోకం -

అందుకని
***
అట్లా ఉండనివ్వు: కొన్నిటిని -
***
బయట ఎక్కడో
వెన్నెల ఒలికి తడిచిన పచ్చిక మైదానాలపై నుంచి
గుంపుగా

ఎగిరిపోయే సీతాకోకచిలుకలని!