before

నీకో తల్లి ఉండి ఉంటుంది
ఒకసారి తన శరీరాన్ని తాకి, ఆ కనులు చెప్పే వ్యధల వద్దకు
వెళ్లి చూడు -

నీకో భార్య ఉండి ఉంటుంది
ఒకసారి తనలోకి వెళ్లి, తను నీకు చెప్పని పురా గాధలను
విని చూడు -

నీకోక కూతురూ ఉండి
ఉంటుంది. ఒకసారి తన హృదయావరణలోకి వెళ్లి, రాలిపోయే
ఆకులను

శ్వాసించి చూడు. ఇక
నీ లోపల ఒక స్త్రీ నిరంతరం స్రవిస్తూ, సంచరిస్తూ ఉంటుంది -
ఎప్పుడైనా

ఒకసారి, నీ ఆత్మతో
తనని హత్తుకుని, మిళితమయ్యి, గర్భమయ్యి, ఆదిపదం
అయ్యి చూడు -

ఒరే నాయనా, వెర్రిబాగులోడా!
దైవత్వానికి ఆలయ నిషేధమేమిటిరా తండ్రీ. మరి, ఇకనైనా
మాట్లాడేముందు

ఈ సారైనా ఓసారి వాళ్ళందరితో
నీ నోరూ, నిన్నూ శుభ్రపరచుకుని రా ఇక్కడికి. దేవుడు
జన్మించిన

స్థానం గురించీ, ఒక అశృయోని
గురించీ, మా అమ్మ చెప్పిన ఒక మహారహస్యం నీకూ
చెబుతాను -

ఆmen!