నీకై 9*

నీవు ఉండే ఇంటి తలుపులు తట్టాను
తీరా చూస్తే అక్కడ తలుపులే లేవు

నీవు ఉండే కిటికీలవైపు చూసాను
తీరా చూస్తే, అక్కడ నిన్నటి జాబిలే కనిపించలేదు

నీవు ఎక్కడైనా తారస పడతావా అని
తిరిగిన వీధులే మళ్ళీ మళ్ళీ తిరిగాను

తీరా చూస్తే అక్కడ
వెళ్ళిపోయిన నీ నీడల శరీరపు వాసన తప్ప నాకేమీ దొరకలేదు

ఎక్కని ఆ గడపా లేదు, దిగని ఈ గుమ్మమూ లేదు
అడగని అతిధీ లేడు బ్రతిమాలుకోని బాటసారీ లేడు
మధుపాత్రలో నిన్ను చూసుకోని మత్తైన రాత్రీ లేదు

ఫరీదా, యిక ఇంతకు మించి
ఏమైనా చెప్పడం నిషిద్ధం
ఎందుకంటే

భగవంతుడు చెప్పిన ఆ యుగాంతం ఎలా ఉంటుందో
నువ్వు కనిపించకపోయిన నాడే తెలిసింది

జనుల మధ్య జాతి లేక, ఈ లోకపు నీతి లేక
గులాబీల నషాతో తిరుగుతున్న ఈ ఫిరోజ్ కి-