నిశ్శబ్ధం

ఒక వేసవి మధ్యాహ్నం -
తల్లి చేసి ఇచ్చిన రొట్టెను, ఎంతో ఇష్టంగా తింటూ
ఓ పిల్లవాడు -

రొట్టెరంగు మల్లే కాంతి -
గోధుమల వాసన గాలిలో: పెరట్లో దుస్తులు విదిల్చి
ఆరవేస్తూ తల్లి -

ఇంకా కొద్దిసేపే: తను
తల తిప్పి చిన్నగా నవ్వితే, ఆరేసిన దుస్తులు అన్నీ
పలుకుతాయి -

నిన్ను బిగించి పట్టుకున్న
ఈ నిశ్శబ్ధం తొలిగి పోతుంది. కొంచెం ఓపిక పట్టు -
ఎదురుచూడు -

ఏదైనా, ప్రేమతో చేయడం
మాత్రమే, ఇక నువ్వు ఈ జీవితంలో నేర్చుకోవలసి
ఉన్నది!