దారి

నీకు మాత్రమే తెలుసు, దీపాన్ని తీసి తుడిచి
వెలిగించడం -
***
తడి లేని చీకటి. పల్చటి గాలి. చిన్ని పూవులు
నువ్వు తాకక వడలిపోయి -
ఊగే నీడలు. ఎక్కడి నుంచో చిన్నగా మాటలు
మల్లెపూలలాంటివి, లోపల -
నీళ్ళు చల్లుతున్న చప్పుడు. మట్టి వాసన మరి
నువ్వు చిన్నగా తాకినట్టు -
ఇక, ఎక్కడో దూరంగా ఒక నెలవంక, ఇక్కడ
నదిలో రాలి తేలిపోతే
***
నీకు మాత్రమే తెలుసు, నన్ను తీసి తుడిచి
వెలిగించి, నీ శ్వాసతో

ఇంకో రోజుకి అట్లా బ్రతికించి ఉంచడం!