ఓలమ్మీ...

ఓలో ఓలో
రాత్రే వర్షమూ పడలేదు. ఇక్కడ
ఇంత గాలీ లేదు -
ఇక ఓ పక్క ఎండ చిర్రున ఇట్లా కాలుస్తా
ఉంటే, ఓలో ఓలో

ఓలమ్మీ, ముఖం
చిటచిటలాడిస్తూ నువ్వు అట్లా మండుతా
ఉంటే, ఇక మేము
బ్రతికి బట్ట కట్టేది ఎట్లా? కొంచెం కొంచెంగా
నవ్వొచ్చులే నువ్వు -

ఇక, కొంచెం కొంచెంగా నువ్వు నవ్వితే

మబ్బు పట్టి
జల్లు కురిసి, చల్లటి గాలిలో ఓ చెట్టు కింద
మా చుట్టూ మేము
చేతులు కట్టుకుని, పళ్ళికిలించుకుంటూ
కూర్చుంటాము

నీతో ఈ దినమంతా, ఈ జీవితమంతా -