మెట్రో

"ఎక్కడున్నావు నువ్వు? వర్షం వచ్చేటట్టు ఉంది. ఇంటికి
వస్తున్నావా?" She asks -
***
రోడ్లపై ఉండే చిన్ని నీటి గుంతలు నీ కళ్ళు: అలసిపోయి
నీ చేతులు. మరి నీ శరీరమేమో, ఎవరో
రాళ్ళేసి పగులకొట్టిన ఒక దీపస్తంభం -

ఇక, నీ హృదయమేమో, చింపిరి జుత్తుతో, చిన్నబోయిన
ముఖంతో,  గుమ్మం వద్ద ఎవరో వస్తారని
ఎదురుచూసే ఓ అనాధ: ఒక దుఃఖం -

మరి అతనా? అతను ఈ నగరం: ఈ రాత్రీ, ఈ చీకటీ -
***
"ఎక్కడున్నావు నువ్వు? వర్షం వచ్చేటట్టు ఉంది. త్వొరగా
ఇంటికి రా" She pleads -
***
అతను ఇంటికి వచ్చే దారిలో, అతని చేతిలోంచి చేజారి
దొర్లిపోయిన, తనకు ఎంతో ఇష్టంగా ఇద్దామని

దాచుకున్న, చీకటి ఆకుల తెల్లని వాన గులాబి!