ఇది, ఈ...

సాంధ్య సాగరంలోంచి, అలసిన కళ్ళతో నువ్వు
రాత్రి రాతికాంతిలోకి నడుస్తావు.
అది - ధూళి నిండిన నీ పాదాల వద్ద ఉంచిన
ఒక నల్లగులాబి -

అంధుడి: పిగిలిపోయిన పాదాలతో దారిని చూస్తావు
అనాధవి: నేల రాలిపోయే పుష్పాల అంతిమ
అరుపులను ఎవరికీ చెందని ఆకాశంలోంచి

నిర్లిప్తతతో వింటావు: ఎవరో మతి తప్పిన ఈ
మనుషుల లోకంలో వొదిలి వెళ్ళిన నీ
అస్తిత్వాన్ని ఒక భిక్షపాత్రలో వేసుకుని

తిరుగుతావు: సంధ్యధూళి నుంచి అలసిన కళ్ళతో
నువ్వు రాత్రి రాతికాంతిలోకి నడుస్తావు

అది - నీ సంధ్య పాదాల వద్ద ఉంచిన
ఒక తెల్ల గులాబి -