వి/స్మృతి*

ఒక చూపుడు వేలు,ఈ విస్మృతి పదాల గులాబీలలోంచి  
నువ్వు వొదిలివెళ్ళిన ఊపిరి వెంట సాగిపోతుంది

శూన్యంలోకి విసిరివేయబడ్డ నీ దేహాన్ని కానీ 
నీ అరచేతుల మధ్య చిక్కుకు పోయిన
నా నాయనాన్ని కానీ 
నేను ఇక చేరుకోలేను-

ఇక మిగిలేదంతా చరిత్ర: నువ్విక  

ఈ శీతాకాలపు దిగులు మధ్యాహ్నాలలోంచి    
తల్లి లేని పిల్లల కళ్ళలోంచి తిరిగి వస్తావు-

నా స్మృతిలో చిక్కుకుపోయిన నీ దేహాన్ని కానీ
అనంతత్వపు సంజ్ఞతో తిరిగివచ్చే, ఒక 
ఆదిమ జాడ అయిన మృత్యువుని కానీ
నేను తిరిగి అందుకోలేను-

ఇక ఒక చూపుడు వేలు
ఈ నిదుర రహిత పదాల గులాబీలలో 
నువ్వు వొదిలివెళ్ళిన కొన  
ఊపిరి వెంట సాగిపోతుంది-