చిన్న విషయం

తల వంచుకుని నువ్వు గదిలోకి వస్తే
చీకటిలో ఒక దీపం వెలిగి, ముఖంపై ఒక తుంపరా, చినుకులు వాలి
రెక్కలు వచ్చి ఎగిరిన
ఆకుల వాసనా, గాలి

నీటి చెలమల్లో దూరి
వలయాలయ్యిన ఒక
చిన్నఅద్భుతమూనూ-

ఆహ్, పెద్దగా ప్రత్యేకమైన విషయం అంటూ ఏమీ లేదు

బ్రతకొచ్చు నువ్వూ నేనూ మరికొద్ది కాలం ఇలా హాయిగా
స్ఖలించినంత సుఖంగా, మరి

ఇలా ఈ లోకంతో నవ్వుకుంటో
ఆడుకుంటో, వెక్కిరించుకుంటో.