ఈ జీవితం

నీ కళ్ళతో చలిస్తున్న ఒక పుర్రెను
నేను కలగన్నాను
ఉన్మాదపు చిహ్నాలతో చలిస్తున్న రాత్రిలో
నేను నీ కళ్ళతో నిండిన
ఒక పుర్రెను కలగన్నాను

ఒక నలుపు జీవికీ
ఒక నలుపు ఆకాశానికీ మధ్య
ఒక అస్పష్టపు కాంతి ఖడ్గం
నీకై వేలాడుతుంది

ఒక నీడ కానీ, ఒక పూవు కానీ లేకుండా
పరివ్యాప్తమవుతున్న ఈ క్షణం
ఒక అస్థిరతతో కొనసాగుతున్న
ఈ దయరహిత అసంపూర్ణ జీవితం

రెక్కలు లేని సీతాకోకచిలుకలు
రాలిపోయే రాత్రిలో
నీ కళ్ళతో నవ్వే ఒక నల్లని పుర్రె