ఉదయం పలు రంగులతోనో లేక
ఒకే ఒక నిస్పృహతోనో విచ్చుకునేటప్పుడు
నేను నీకు ఒక పూవును తెస్తాను
నేను నీకు తప్పక ఒక పసుపచ్చని
పేరు తెలియను పూవును
మట్టి నిండిన దారిలో
అయోమయంగా ఎదిగిన గడ్డిలో
పూసిన ఆ పూవును
నీకోసం తెంపుకు వస్తాను=
నేను ఇక ఇప్పుడు నీకు
ఇవ్వగలిగినదేమీ లేదు
ఎవరో లేత ఎరుపు చేతివేళ్ళతో
పదునైన గోళ్ళ అంచులతో తుంపివేసిన
శిరస్సువంటి
పసుపుపచ్చని పూవువంటి
నన్ను తప్ప
నేను నీకు ఇక
ఇవ్వగలిగినదేమీ లేదు=
కొద్దిగా నీళ్ళు వొంపుకుని
నీ హృదయంలో దాచుకో
ఈ దారి తప్పిన పూవునూ
ఈ దారి మరచిన
పసుపు పచ్చని పిట్టనూ=
No comments:
Post a Comment