ఏడు రంగుల ఏడు గంటల రాత్రి

ఏడు రంగులు, ఏడు గంటలు
ఇక ఈ రాత్రి అంతమవుతుందో లేదో తెలియదు

కూర్చున్నాం కదా
ఎదురెదురుగా, మనలోని ఏడు లోకాలతో
కళ్ళలోని ఏడు సముద్రాలతో

ఏడు ఎడారులు కలగలసిన, మన ఎండిన
హృదయాలతో=

మాట్లాడుకోవాలి కదా
పంచుకుని ఇక్కడో, ఎక్కడో రాలిపోవాలి కదా

మన దేహాలపై ఈ సమయపు
ఆకుపచ్చని చినుకుల్ని వొంపుకుని, తెల్లటి
గాయాల్ని నిమురుకుని

ఎర్రని దాహంతో, నల్లటి కోరికలతో
జన్మాంతం తీరని పసుపుపచ్చని తపనతో మనం
ఒకరిలోకి ఒకరం దూసుకుపోవాలి కదా

అందుకై కలుస్తాం ఇక్కడ
ఈ మంత్రధనుస్సుతో, ఇంధ్రనగరిలో, పాత్రల నిండా
మెరిసే నక్షత్రాల మెరుపులతో
గలగలలతో, అలలతో మైమరపు మాటలతో=

ఇక ఈ ఏడు రంగుల ఏడు గంటల రాత్రి
అంతమవుతుందో లేదో ఎప్పటికీ తెలియదు