నిస్సహాయత

ఒక పదం కావడం ఎలా? అతను అడుగుతాడు -
తను చిన్నగా నవ్వుతుంది.

లేత కాంతి గది అంతా:
పసుపు పూల రేకులు రాలుతున్నట్టు. ఎక్కడో చిన్నగా
పిల్లల మాటలు: తీరంపై ఇసుకను లాక్కునే అలల సవ్వడి
ఒక గూటిని అల్లుకునే పక్షుల భాషా, ఆ రెక్కల కదలికా
ఒరిమీ మరి వీచే గాలిలో -

పదాలలోకి ఆ గాలిని, శ్వాసను నింపడం ఎలా? అతను
నిస్సహాయంగా అడుగుతాడు
తనని -

ఇక
పెదాలపై విరిగిన వేణువుతో నెమ్మదిగా ఒక సాయంత్రం
తనని తోడ్కొని రాత్రిలోకి
సాగిపోతుంది.