మునిగిన నీడలు
అతడు వస్తాడు తనని తాను పోగొట్టుకుని
నుదిటిపై ఆమెను శిలువ వేసుకుని
దారిలో అతడిని ఆదరించినది ఎవరు?
దారిలో అతడిని ఆదమరచి, మైమరచి
వెళ్లిపొమ్మన్నది ఎవరు?
చెట్లు చిగురించవు ఈ శీతల అద్దాలలో
పూలు పలుకరించవు
ఈ యంత్ర ముద్రిత చదరపు గదులలో
నగర చదరంగంలో=
ఇక కొనసాగుతుంది దినం తొమ్మిదిన్నర
గంటలపాటు కన్నీళ్ళతో
అవి నీవో, నీవి కాని నీ పదాలవో నువ్వు
ఎప్పటికీ కాలేని నిశ్శబ్దానివో
రాత్రిలో ఒంటరి బావిలో రాలిన వెన్నెలకి
తెలియదు, తన నునుపైన
భుజాలపై రాలిన చీకటి కురులకీ తెలియదు
తెలిసే లోపు, వదన వివాదం ముగిసేలోపు
మరొక దినం ముగిసింది
మరొక వనం చేజారింది=
మరొక వనం చేజారింది=
ఇక ఎవరు మిగిలి ఉంటారు చివరికి?
అవును
ReplyDelete