శిలపై మోదిన నీ నుదిటిపై
ఆమెను పుష్పించనీ
అలసిన అరచేతులతో
నీ ఛాతిని చీల్చనీ
నువ్వు కాలేని దృశ్యాలు
నీ నయనాలను
పెకిలించివేయనీ.
తిరిగిరాని, తిరగరాని
వంకీలు తిరిగిన
వెన్నెలలేని ఆ దారి
నీ పాదాలని
నరికివేయనీ.
మరణించినవారు
కరుణించిన రాత్రిలో
నువ్వొక తెల్లటి అద్దాన్ని
ప్రతిష్టించనీ
నువ్వొక తెల్లటి రూపాన్ని
సృస్టించనీ
ప్రతిబింబపు, ప్రతి
బింబాన్ని దర్శించనీ
వ్యాకరుణించనీ:
అందుకని, వాళ్ళు
రానందుకని
ఇక తెలియదు నీకు
ఎప్పటికీ
దర్పణంలోకి దారేటో
దర్పణంలోకి వెళ్ళినవారెవరో
వెళ్ళేవారెవరో
దర్పణంలోంచి నీకు
ఒక మృతవదనాన్ని
కారుణ్యపు నవ్వుతో
బహుకరించేవారెవరో=
No comments:
Post a Comment