ఇది

- రాత్రిలోకి తొంగి చూస్తే, నక్షత్రాలకు పూసిన 
ఓ చందమామ కనిపిస్తుందని 
వచ్చావా, ఇక్కడికి-?  

మరి,చూడు ఇక్కడ 

వొంగిన తల తెగి, ఎవరి కన్నీళ్ళలోనో రాలిపడితే
చివరికి 

నెత్తురంటిన, నువ్వు అంటిన,నువ్వు అంటుకున్న  

ఆ చేతులేవరివో తెలియదు,లోతు అందని  
బావులయ్యింది ఎవరో తెలియదు
చివరికి 

మిగిలింది, వెళ్లిపోయింది కూడా ఎవరో తెలియదు -

ఇక మళ్ళా వస్తావా,ఎపుడైనా ఇటువైపు 

ఆత్మహత్యించుకుని
తిరిగి జన్మించే ఈ 

శ్వేత నలుపు రాత్రుళ్ళ కనుల వైపు? 
నేరాపరాధన లేని, మోపని 
ఈ ప్రేమల వైపూ?