4 cold moments

1
మూసి ఉన్నాయి కిటికీ తెరలు,
పొడి చీకటి లోపల
అరచేతుల్లోని గీతలై, ఖాళీగా

ఎవరైనా ఉన్నారో లేదో తెలీక
2
"మనుషులు కావాలా, వొద్దా?"
అని అన్నావు నువ్వు,
నీ ముఖాన్ని ఊహిస్తాను నేను

మంచులో వణికే గులాబీగా!
౩
బహుశా ఆవరణలో పూలై ఊగే
నీడలు; కాంతి కాడలు,
కాలం ఓ తూనీగై ఎగిరిపోతూనో

లేక రెక్కలు తెగి నీలోనే రాలో!
4
మరెక్కడో మనం; బహుశా. గాలి
లంగరేసిన పడవలో
తేలియాడే గాలి, కోసే ఓ ఈలై

శరీరం బద్ధలయ్యేంత శబ్ధమై!