ముద్దు

గాలిలో తేలే ఆకులు, నీ పెదిమలు -

రెండు నెలవంకలు అవి. సూర్యరశ్మిని 

నింపుకున్న రెండు వెచ్చని 

సరస్సులు అవి. తీరం లేని ప్రయాణం 

అవి. రెండు  పడవలూ అవి -

ప్రియమైన రెండు కృష్ణబిలాలూ కూడా 

అవి. అవే: నీ పెదిమలలలు... 

వాటితో నువ్విక అట్లా, అతని పెదాలని 

కొరికి లాగి వొదిలితే, చూడు 

సముద్రాలకుపైగా చీకట్లో చుక్కలవైపు 

గాలిలో తేలే ఒక ఆకై, ఆవిరై 

ఒక పిట్టై ఎట్లా ఎగిరిపోతున్నడో అతను!