పిలుపు

పదం -

నెత్తురులో ఒక పదం: నువ్వు. 

పదం నెత్తురై ఒక మొగ్గై  పుష్పించే మంచుగులాబీ పూవువి   

నువ్వు  

వాక్యం -

ఎందరివో కన్నుల పవిత్ర జలం:
నువ్వు. వాళ్ళ హృదయాలలో లంగరు వేయబడి అలా తేలికగా
ఊగే

లయబద్ధమైన శ్వాసవి
నువ్వు -

అంతం -

ఇక 

దినానంతాన 

నీలోనూ నీ పదాల మధ్య నిశ్శబ్ధంలోనూ పూర్తిగా మునిగి 

ఒక దివ్యకాంతిలో 

కనుమరుగయ్యెను 

అతను -

ఇంతకూ 

శ్రీకాంత్ అనేనా 

నువ్వు అతనిని, కపోతాలు కలకలంతో నింగికెగసే వేళల్లో 

తడబడుతూ 

పిలిచినది?