1.
శీతాకాలపు వెన్నెల: గాలి చుక్క -
కొమ్మల్లో మెసిలే
పసి రెక్కలు -
2.
దారిలో
నీడలు: చెట్ల కింద వడలిన ఆకులు.
స్నేహితుడా
మరి
నీ ముఖమే గుర్తుకు వచ్చింది
కొమ్మకి ఊగిసలాడే ఒక
తడిచిన గూడును
చూస్తే -
౩.
శీతాకాలపు చీకటి: రాత్రి తాకిడికి
నేలకు మోకరిల్లిన
ఒక గడ్డి పరక -
మంచు
4.
ఇక
నీళ్ళల్లో
ఎక్కడో నీ కళ్ళల్లో చెదిరిన ఒక
చంద్రబింబం -
ఎవరన్నారు
నేను నీలా ఒంటరిని
కానని?
No comments:
Post a Comment