ప్రార్ధన

గాలి -

నా శ్వాసలోంచి
పూచే నీ రాత్రి: నీలోంచి ఎగిరి వచ్చి నన్ను నింపే ఒక
పూల తావి -

చూపు -

నీ శరీరంలో తేలే
నా వేకువ నావ: నీలోంచి ఎగిరి వచ్చి నన్ను నింపే ఒక
అత్తరు కల -

బ్రతుకు - 

మన మధ్య వొణికే
ఒక రహస్య దేహ దీపం: స్పర్శ. గుమికూడే నీడలూ కోరికా
చీకటీ విచిత్రం

ఒక గగుర్పాటూ
మనం: అవిభక్త కవలలం, పరస్పర పరిమళం: మనం. ఇంకా 
అతనూ
ఆమె -

ఇక - అందుకని
పట్టించుకోకు నువ్వు ఎవ్వరినీ: మరణించేందుకు మనకు
ఈ వేళ ఇక

ఎవ్వరి పదాలూ
అవసరం లేదు -

amen.