ఇక ఇప్పటికి

ఎవరో చాలా చాలా కాలం క్రితం ఒక ప్రమిదెను వెలిగించారు: ఇక - అప్పుడు 

ఈ విశ్వం మొదలయ్యింది.

నేను తన అరచేతిని అంది పుచ్చుకుని, తన వక్షోజాల నీడలో
తల దాచుకుని ఇలా అన్నాను: 

"ఇక చాలు. ఇక నన్ను ఇంటికి తీసుకువెళ్ళు."

మరికొద్ది సమయం తరువాత అక్కడ మిగిలినదల్లా
ఒక ఒంటరి ఒంటరి విశ్వంలో 

ఒక వంటరి వంటరి మనిషి - 

అప్పుడు తను అన్నది: "ఇక మిగిలినదీ, మిగలబోయేదీ ఇదే:
తన నీడలో తానే వడలిపోయి 

జాడను మిగిల్చే ఒక గులాబీ

సంకేతంగా మారిన, నువ్వు అనే 

రెక్కలు లేని పక్షి గీతం మాత్రమే."