వలయం

ఒక వలయాకారపు చిహ్నం ఒక ఆకస్మిక సంజ్ఞతో

ఇక నువ్వు ఎప్పటికీ నీ వద్దకి తిరిగి వెళ్ళలేవని చెప్పినప్పుడు
ఏం చేస్తావు నువ్వు? ఏం చేయగలవు నువ్వు?

నువ్వు జీవించిన జీవితాలన్నీ, నువ్వు కాంచిన మరణాలన్నీ
నువ్వు సమాధి చేసిన ప్రేమలన్నీ, నువ్వు చేయగలిగీ 

చేయలేని పనులన్నీ, మంచు కమ్మిన అద్దంపై
అస్పష్టంగా కదిలిపోయే ముఖంలా మారినప్పుడు

ఏం చేస్తావు నువ్వు? ఏం చేయగలవు నువ్వు-?

ఒక ఖడ్గ ఘాతానికీ, శిలువ వేయబడటానికీ మధ్య 

ఎంపిక చేసుకునే అవకాశమా ఇది? 

మృతులకూ,జీవించేవాళ్ళకూ మధ్య 
చలించే, మహా నిశ్శబ్దమా ఇది? 

ఇదంతా ఒక వేళ, తరచూ మరచిపోయే ఒక కలలో 

-గుసగుసలాడుతున్న- మరచి వచ్చిన 

మరో జీవితపు, అసలు చిహ్నమా ఇది?

జీవించేది ఎవరు? మరణించేది ఎవరు ?  ఉండేది ఎవరు? వెడలిపోయేది ఎవరు? 

వెడలిపోతూ కూడా ఉంటూ సర్వాన్నిత్యజించేది ఎవరు? 

త్యాగం చేసేది ఎవరు? ఈ పదాల చీకట్ల చివర
పొటమర్చిన నెత్తురు చినుకై మిగిలేది ఎవరు ?

ఓ నాహీద్ 
O blue blue one of 
the none

ఇక మిగిలేది అంతా
ఒక

dejavu. dejavu. dejavu.