సమయపు పెదాల పైన నీ శీతాకాలపు వేలిముద్రలు

పగిలిన సమయపు పెదాల పై, నీ శీతాకాలపు వేలిముద్రలు, నన్ను ఈ 
అవ్యక్త తపన ద్వారాల వద్ద వొదిలి వేస్తాయి-

మరొకసారి, ఈ నల్లటి రాత్రి నా శరీరాన్ని తన నాలికతో రాపాడుతోంది. 
చూడు: ఈ నా శరీరం: అదొక గాయాల గూడు. 
అది నీ స్వప్నాల రక్తాన్ని తాగుతుంది.

మరొకసారి, ఈ నల్లటి రాత్రి నా కనుపాపలపై
మంచు బిందువులా మారుతుంది. నువ్వు 

సంవత్సరాలుగా వొదిలి వెళ్ళిన, నీవైన
నీ శరీరపు ముధ్రలనీ, ఎప్పటికీ ఉండే

నీవు లేని నీ మృత్యు జాడలనీ అది సజల పూరితంగా మారుస్తోంది. 

మరొకసారి
పగిలిన సమయపు పెదాలపై, నీ వేలి ముద్రల నల్లటి రాత్రి గడియలు
నన్ను ఈ అవ్యక్త తపన ద్వారాల వద్ద 

బాషారహితంగా వొదిలి వేస్తాయి-

ఇక నిన్ను కానీ, నన్ను కానీ వ్రాయడం ఎలా?