ఏం చేద్దాం మనం

ఉన్నావా లేక
నిన్ను నువ్వు మరచిపోయావా?

నే వచ్చేటప్పుడు
నా శరీరం నిండా నీ శరీరానికి
సరిపడేంత మత్తుని తేనా?

ఏం చేద్దాం మనం మనతో
మన తనువులతో?

ఈ వేళకి మనం
ఒక నెగడుని తయారు చేద్దాం
ఈ రాత్రిని దానిలో వేసి
వెన్నెలతో దహించి వేద్దాం
అగ్నిపూలు ధరించి
ఒకరినొకరు భక్షించుదాం. ఆపై
చితాభస్మం పూసుకుని
విశ్వలయతో తాండవం చేద్దాం
చీకటిలోంచి చీకటిలోకి మళ్ళా
మళ్ళా దుముకుదాం

ఉన్నావా లేక నీతో పాటు
నన్నూ మరచిపోయావా?

వస్తుందొక ఉన్మాద స్వప్నం
నీ కోసం

అందుకై, నాకై
నగ్నంగా సిద్ధంగా ఉండు=