ఉరుముతున్న దినాలు
ఉరిమే దినాలు
వాళ్ళు ఎవరూ నిన్ను
స్మరించరు
వాళ్ళు ఎవరూ నిన్ను
కాంచరు=
వాళ్ళు: అందరికీ చెందిన
అందరూ అయిన
వాళ్ళు. నిలువెల్లా
నింగీ నేలా
నిప్పూ అకాశాలతో
ఈ భూమిపై తిరిగే
వాళ్ళు: వాళ్ళు ఎవరూ
నిన్ను స్మరించరు.
వాళ్ళే, వాళ్ళు అందరే
నిన్ను విస్మరించారు
నీ ప్రార్ధనలలో
నీ అలాపనలలో నిండి
పోయిన వాళ్ళు
వాళ్ళే నిన్ను
విస్మరించారు=
వెళ్ళిపో ఇక్కడనుంచి
త్వరగా
ఈ ఉరిమే దినాలలోంచి
ఈ తరిమే జనాలలోంచి
త్వరగా
ఇక్కడనుంచి=
No comments:
Post a Comment