కాటుక కష్టంగా
నీ పదాలు=
ఏదైతే నువ్వు నాతో వచ్చినందుకు
కోల్పోయావో
దానిని తిరిగి నా పదాలు
నీకు ఇవ్వలేవు. నేనూ ఇవ్వలేను
నేను ఇవ్వగలిగినదల్లా ఇవి:
నిదురలేని వెన్నెల కానరాని
మిణుకు మిణుకుమనే
రాత్రుళ్ళు
ఒంటరిగా ఓ వైపుకు తిరిగి
ముడుచుకుని పడుకునే
తెల్లటి దినాలు
తాకితే గులాబి ముల్లులా దిగబడే
ఒక మొరటు మనిషి
మొరటు కాలం
నయనాల కింద నలుపు గీతలుగా
మారే నలుపు నిరీక్షణా ప్రదేశం
అంతిమంగా నీ హృదయంలో
నిరంతరంగా జనినించే
అంతంలేని ఎడారులూ.
తీసుకోడానికి నువ్వు సిద్ధంగా
ఉన్నావా?
సిద్ధంగా లేనప్పుడే ఇవన్నీ నేను
నీకు బలవంతంగా
బహుకరించానా?
No comments:
Post a Comment