ఇక రాత్రంతా

"అమ్మా, నాకు ఏమౌతుందమ్మా?"
అని అడుగుతాడు పిల్లవాడు:
పాపం, వాడికి  జ్వరం -

ఎన్నో పొరలతో ఆకాశం, మబ్బుపట్టి -
రాత్రి గాలి లోపల: గూళ్ళల్లో
పక్షుల సవ్వడేమీ లేదు -

కంపించే పల్చటి కాంతి: ఏవో నీడలు -
ఎక్కడినుంచో తేలివచ్చే ఒక
సన్నని మూలుగు: కోస్తూ -

"అమ్మా, నాకు ఏమౌతుందమ్మా?"
అని అడుగుతాడు పిల్లవాడు
తల్లిని గట్టిగా పుచ్చుకుని -

"కన్నా, నీకేమీ కాలేద"ని చెబుతుంది
తల్లి బిడ్దని హత్తుకుని, కానీ

ఇకా తరువాత, రాత్రంతా ఇద్దరే, గట్టిగా
ఒకరినొకరు పట్టుకుని, తడారే
పెదాలై,  రాత్రి కలవరింతలై -