ముగింపు

వాన వెలసిన రాత్రి: చీకట్లో
దారి పక్కగా నీటిగుంతల్లో చలించే మసక వెన్నెల: ఆకులని
మాట్లాడే గాలి -

బురద: కొమ్మల్లో చినుకుల్లో
రెక్కల చప్పుడు. పచ్చికపై నుంచి వీచే పనస చెట్ల వాసన:
అదృశ్య శరీరం -

ఇక, ఎవరో అతి చిన్నగా 
నిన్ను పిలిచినట్టు, నీ పరిసరాల్లో, నిను తాకీ తాకకుండా
సంచరిస్తున్నట్టు

ఒక జలదరింపు: సన్నగా దిగే 
నొప్పి. తల్లి కట్టి ఇచ్చిన అన్నం డబ్బా నోటి ముందు నుంచి 
ఒలికిపోయినట్టు -
***
ధన్యవాదాలు. వీడ్కోలు -
తిరిగి వెళ్ళిపోతున్నాను ఇంటికి: అది ఎక్కడో, ఉందో లేదో
తెలియనప్పటికీ!