స్మృతి

కాంతివంతమైన ఉదయం:

రాత్రి కురిసిన మంచుకీ, గాలికీ చిన్నగా ఊగే ఒక

తెల్లని గులాబి -

***

చల్లని దారులు. లేత ఆకులు:

వానజల్లులో రెక్కలు విదుల్చుకుని ఎగిరిపోయే

పక్షులు -

లోపలి మట్టి, చిన్నగా నాని ఇక

హృదయం ఒక విత్తనమై చిట్లి మొలకెత్తినట్టు ఒక

సువాసన -

అవును.

నువ్వన్నది నిజమే. అనుకోకుండా వచ్చే అతిధి

స్ఫురణే ఇది -

ఇతరుని స్వప్నమే

ఇది.

***

తిరిగి రా నువ్వు. చూడు:

ఎంత అందంగా ఉందో ఇక్కడ. కిటికీ అద్దం వెనుక

ఒద్దికగా

నీ స్మృతితో సజీవమయ్యి  

చిన్నగా ఊగే ఒక ఎర్రని గులాబీ పువ్వు, ఐదు

ఆకులు -