అసంగతమై

పక్కనే ఉన్నావు నువ్వు; కానీ, ఎంతో దూరం, బహుశా, నేల నుంచి నింగికీ, మెరిసే చుక్కలకు ఆవలగా, ఇంకా దూరంగా మరెక్కడో, నే చూడలేని చోట ... (నువ్వు ) శీతాకాలం; రాలే ఆకులు పాదాల కింద నలిగి చిట్లే సవ్వడి. నీడల్లో ఒరిగిన కాంతి; ఇక తలుపులు తెరిస్తే, అప్పటిదాకా అక్కడెవరో ఎదురు చూసి వెళ్ళిపోయిన తడి; గాలిలో! ఒక శరీరం అట్లా మెరిసి, అంతలోనే కనుమరుగు అయ్యినట్టూ, కన్నీటి చారికలతో, తల్లికై ఒక పాప చేతులు చాచి నిలబడినట్టూ, (నేను ) *** పక్కనే ఉన్నావు నువ్వు; కానీ, ఎంతో దూరం, ఎంతో ఒంటరితనం; శూన్యం -
ఎంతో నొప్పి; ఎట్లా అంటే, చర్మాన్ని చీల్చి,
ఎవరో మరి, నెత్తురు గింజల

దానిమ్మను ఎంతో మెల్లిగా వొలుస్తున్నట్టు!