of love

"there is no love.
It's fake. It's a fraud. It's just a fucking lie."
She said.

ఆ చీకట్లో

నేను నా దుస్తుల కోసం, నా చర్మం కోసమూ వెతుక్కుంటూ
ఉంటే

తన గొంతు 

కాళ్ళు కట్టేసిన ఒక పావురం ఎగురలేక విలవిలలాడుతూ
రెక్కలు


కొట్టుకుంటున్నట్టుగా
ఆ రాత్రిలో నన్ను కోసుకుంటూ దాటుకుని వెళ్ళిపోయింది.
నాకు తెలుసు:

జీవితంలో
ఖాళీ అరచేతులూ, కళ్ళూ మాత్రమే మిగిలిన వాళ్ళు, ఇక
చేయగలిగిందల్లా

ప్రార్ధించడం మాత్రమే
అనీ, ఇరు శరీరాల శిధిల శరణాలయాలలో ఒకరి ఎదురుగా 

మరొకరు

మోకరిల్లి
వేడుకోవడమేననీ: ఒకరి బాహువుల వలయంలో మరొకరు
ఉరి వేసుకోవడమేననీ - 

ఆ విషయం తనకీ
తెలుసు. నాకూ తెలుసు. బహుశా నీకూ తెలుసుండవచ్చు -
అందుకని

నేను ఏమీ మాట్లాడలేదు.
తన ముందు విప్పేసిన లోక చర్మాన్ని తిరిగి తొడుక్కుని
ఇంటికి

వెడుతూ తన గదిలోని
కిటికీ తెరిస్తే, ఎదురుగా చీకట్లో ఆకులకి ఊగిసలాడే వాన 
చినుకులు -

కొన్ని అంతే: రాత్రిలో
ఆకులని అంటి పెట్టుకుని అట్లా ఊగుతూ ఉంటాయి
తమని తాము

నిభాయించుకుంటూ
ఇతరుల ముందు ఎప్పటికీ రాలిపడకుండా, చిన్నగానైనా