వస్తావు నువ్వు
ఎందుకని నేను అడగను
(అడిగేందుకు కాదు కదా
జీవితం ఉన్నది)
అందుకని
వస్తాను నేను
ఎందుకనీ నువ్వూ అడగవు
(అడగటం
ఒక అబద్ధమని నీకు తెలుసు
కనుక)
కారణాల గురించి ఇద్దరమూ
కరుణతో అడగము
కరుణ ఉన్నది కాబట్టి అడగము
-వ్యాకులత నిండిన ఒక నయనం
దాహం నిండిన ఒక దేహం
దేహం నిండిన ఒక దాహం
అంతే కదా మనం,
అటువంటి గాధే కదా మనం -
వ్యాకరణం లేని కరుణ కదా
మనం
రణం కూడా కదా మనం==
నువ్వు వచ్చినప్పుడు
నేనూ వచ్చినప్పుడు
ఇద్దరితో కలిసి
ఇద్దరివీ అయ్యి, ఇద్దరివీ కాని
చరిత్రలన్నీ
చంచల పదాలతో వచ్చినప్పుడు
ఉంటాము నువ్వూ నేనూ
ఊరికే అలా
కా/రణాలు లేకుండా
కన్నీళ్ళం కాకుండా
ఊరికే అలా
ఊరికే అలా-
hi. this is the poem.
ReplyDeletethis is the it.
dear sreekanth....
ReplyDeleteకారణాల గురించి ఇద్దరమూ
కరుణతో అడగము
కరుణ ఉన్నది కాబట్టి అడగము
.....entha baagaa cheppav mithramaa....
but, i 've a honest doubt sreekanth...is editing(for form & language...not for for feelings) not required for a poem before showing it to the world outside?