నక్షత్రాల కింద కూర్చున్నాను
ఎవరికీ తెలియని కాంతిలో
నిశ్శబ్ధంగా
మునిగిపోతున్నాను
పగటిపూట చీకట్లో
రాత్రిపూట
కనులు విప్పలేని నీ
వెలుతురులో
ఒక్కడినే
ఎవరికీ తెలియని వర్షంలో
తడిచి
కరిగి పోతున్నాను
పిల్లల్ని
వొదిలివేసిన అలలతో
అలలని
వొదిలివేసిన పిట్టలతో
ఒక్కడినే
కాలం గడుపుతున్నాను.
కంటి చివర
వెచ్చటి రక్తం చినుకై, కన్నుని
వీడెందుకు
సిద్ధమౌతున్న
ఒక స్నేహితుడిని చూస్తూ
ఒక్కడినే
నక్షత్రాల కింద కూర్చున్నాను
Ni padala kinda kurchunnanu okkadine!
ReplyDelete