ఆవరణ అంతా చీకటి; రాలిన
ఆకులు. ఏదో
ఒక మాగిన వాసన అంతటా,
"మ్మా" అని పిలుస్తావు; ఎవరూ
పలుకరు. ఏదో
బూజులాంటి నిశ్శబ్దం లోపల,
పైన, ఒక సాలెపురుగై ఆకాశం;
అది అల్లే గూళ్ళై
మబ్బులు; గూట్లో చిక్కీ రాత్రి,
రెక్కలు అతుక్కుపోయి, ఇక
కదలలేక, మరి
నీవైపు నీరు నిండిన కళ్ళతో!
***
ఆవరణ అంతా, చీకటి; ఏవేవో
శబ్దాలు; వొణికే గాలి;
ఒక సిరాముద్దై, కణితై ఇల్లు!
లోన, నిస్త్రాణమైనది ఎవరు?
No comments:
Post a Comment