స్ఫటికం

పూవు మీద వెన్నెల వాలినట్టు, ఎంతో
తేలికగా తను నీతో, నీ పక్కగా -
***
ఎంతో తేలికగా ఒక పూవు: చీకటి కమ్మిన
ఆకాశాన్ని నింపుకుని, వర్షాన్ని
తన కళ్ళల్లో దాచుకుని -
ఎంతో బరువుగా ఒక నువ్వు: ఊగే తెరలై
లోపలి రాలేని గాలై, ఇకెప్పటికీ
తెలవారని ఒక రాత్రివై -
***
పూవు ఎవరు? రాత్రి ఎవరు? మౌనమైన
పూలల్లో చేరిన కన్నీరు ఎవరని
నువ్వు అసలే అడగకు -
***
వెన్నెల నీడల్లో ఆకు ఒకటి కదిలినట్టు
ఎంతో తేలికగా నీ పక్కగా తను -
***
నీ రాత్రై, గాలై, గాలిలో తడబడే నీలో
ఓదార్పుగా నిలబడ్డ గూడై!