1
చుట్టూతా ఝుంకారం వంటి ఒక చీకటి - తూనీగ పాదాల కింద
వలయాలుగా విస్తరిస్తున్న
నయన తరంగాల వలే---
2
ఇక ఎవరు ఏ మాట మాట్లాడినా
కొంత కాటుక వాసన. తడచిన కనురెప్పల వాసన-
వొణికే పెదాల వాసన. అర్థరాత్రిలో
కాగితాలు తగలబడి వెలిగే, నలుపూ
ఎరుపూ కలగలసిన వాసన-
మనం రాసుకున్న మాటలు
చుట్టూతా చిట్లి,నుసియై ఆపై
రాత్రి చెమ్మతో నలిగిన, నల్లని
వాసన. సవ్వడీ: అంతిమంగా
చెంపలపై కన్నీరు ఆవిరయ్యిన
ఒక ఖాళీతనం, ఒక నిశ్శబ్ధం, ఒక శాంతీ-
2
మోకాళ్ళ చుట్టూ చేతులు కట్టుకుని
ముఖాన్ని దించుకుని
రాత్రంతా వెలిగిన, ఒక
తెల్లటి దీపం, ఆనక ఎప్పటికో ఆరింది-
ఎర్రని పూవుల వలే విచ్చుకున్న
ఆ రెండు కళ్ళూ తిరిగి
రెండు నిండు మొగ్గలై
క్షణకాలం, మంచం అంచున అతని చేతి వద్ద ముడుచుకు పోయాయి-
అప్పుడు అక్కడ, వానలో
నానిన ఒక తోట వాసన-
తోటని కమ్మిన పొగమంచులో తిరిగే ఒక మనిషి వాసనా-
అతనిలోని పొగమంచులోకి
తప్పిపోయిన, రెండు కనుల
రెండు కలల పూల వాసనా-
3
ఇద్దరినీ కమ్మిన చీకటి చుట్టూ, మాటలానంతర నిశ్శబ్ధం లాంతరు చుట్టూ
ఝుంకారం వంటి
ఒక కాంతి తరంగం-
4
అప్పుడు, అక్కడ, చితి వలే మండుతున్న అతని నుదిటిపై
సీతాకోకచిలుక వలే
వాలిన ఒక అరచేయి-
ఆ అరచేయి కిందుగా నిండుగా ప్రవహించే నదులు.
నిదురోతున్న పిల్లలు-
వీచే ప్రాణవాయువులు
మిణుకు మిణుకుమనే నక్షత్రాలు, కదలి పోతున్న మేఘాలూ
ఋతువులూ, జనన మరణ
రహస్య ఉద్యాన వనాల
కాలాలూ,తల్లి పాలిండ్లని
లేత పిడికిట బిగించి, పాలు త్రాగే
పసి పెదాల లోకాలూ, వాటిపై
నర్తించే ఆదిమ శబ్దాలూ-
5
మరిక నువ్వది చూసి ఉండవు.
పాలు తాగిన మాటని- నిదురోతున్న ఒక మాటని. తన కురులను
తనే వృత్తాలుగా చుట్టుకుంటూ
ఒత్తిగిల్లిన మాటనీ, ఆ గాలినీ నీ
గడప ముందు ఆగి,తన రెక్కల్ని
విదుల్చుతూ, నిన్ను చూసే
ఒక చిన్ని పక్షినీ, దాని
గొంతుకనీ, ఆ కళ్ళనీ...
అందుకే
6
ఇక, ఇప్పుడు నీ చుట్టూతా
శిశువు గొంతుకలో ఊరుతున్న తొలి మాట వంటి ఒక కాంతి-
వేణువులోకి
సంశయంగా
అడుగిడిన ఒక ఊపిరి, ఊదేవానికి ప్రాణం పోసినట్టు, ఇక ఇక్కడ
నిదురించే ఒక మనిషీ (అతనే), వానలో వెలిగిన ఒక దీపమూ
దీపంలో ఒదిగిన గాలీ
మబ్బులూ నక్షత్రాలూ
ఇక ఒక మాటానూ -
7
మరి, ఇంతకూ తెలుసా నీకు?
ఉవ్వెత్తున ఎగిసే వరి పైరులపై, చుట్టూతా ఝుంకారం వంటి ఒక చీకటిలో
అలలు అలలుగా తేలిపోయే
తూనీగ పాదాల తాకిడికి
వలయాలుగా విస్తరిస్తున్న
ఆ లేత పసిడి వన్నెల - ఆ మన, ఆ అనామక, ఆ మన, మనం అనే -
ఆ మాటా, ఆమని ప్రదేశం?
చుట్టూతా ఝుంకారం వంటి ఒక చీకటి - తూనీగ పాదాల కింద
వలయాలుగా విస్తరిస్తున్న
నయన తరంగాల వలే---
2
ఇక ఎవరు ఏ మాట మాట్లాడినా
కొంత కాటుక వాసన. తడచిన కనురెప్పల వాసన-
వొణికే పెదాల వాసన. అర్థరాత్రిలో
కాగితాలు తగలబడి వెలిగే, నలుపూ
ఎరుపూ కలగలసిన వాసన-
మనం రాసుకున్న మాటలు
చుట్టూతా చిట్లి,నుసియై ఆపై
రాత్రి చెమ్మతో నలిగిన, నల్లని
వాసన. సవ్వడీ: అంతిమంగా
చెంపలపై కన్నీరు ఆవిరయ్యిన
ఒక ఖాళీతనం, ఒక నిశ్శబ్ధం, ఒక శాంతీ-
2
మోకాళ్ళ చుట్టూ చేతులు కట్టుకుని
ముఖాన్ని దించుకుని
రాత్రంతా వెలిగిన, ఒక
తెల్లటి దీపం, ఆనక ఎప్పటికో ఆరింది-
ఎర్రని పూవుల వలే విచ్చుకున్న
ఆ రెండు కళ్ళూ తిరిగి
రెండు నిండు మొగ్గలై
క్షణకాలం, మంచం అంచున అతని చేతి వద్ద ముడుచుకు పోయాయి-
అప్పుడు అక్కడ, వానలో
నానిన ఒక తోట వాసన-
తోటని కమ్మిన పొగమంచులో తిరిగే ఒక మనిషి వాసనా-
అతనిలోని పొగమంచులోకి
తప్పిపోయిన, రెండు కనుల
రెండు కలల పూల వాసనా-
3
ఇద్దరినీ కమ్మిన చీకటి చుట్టూ, మాటలానంతర నిశ్శబ్ధం లాంతరు చుట్టూ
ఝుంకారం వంటి
ఒక కాంతి తరంగం-
4
అప్పుడు, అక్కడ, చితి వలే మండుతున్న అతని నుదిటిపై
సీతాకోకచిలుక వలే
వాలిన ఒక అరచేయి-
ఆ అరచేయి కిందుగా నిండుగా ప్రవహించే నదులు.
నిదురోతున్న పిల్లలు-
వీచే ప్రాణవాయువులు
మిణుకు మిణుకుమనే నక్షత్రాలు, కదలి పోతున్న మేఘాలూ
ఋతువులూ, జనన మరణ
రహస్య ఉద్యాన వనాల
కాలాలూ,తల్లి పాలిండ్లని
లేత పిడికిట బిగించి, పాలు త్రాగే
పసి పెదాల లోకాలూ, వాటిపై
నర్తించే ఆదిమ శబ్దాలూ-
5
మరిక నువ్వది చూసి ఉండవు.
పాలు తాగిన మాటని- నిదురోతున్న ఒక మాటని. తన కురులను
తనే వృత్తాలుగా చుట్టుకుంటూ
ఒత్తిగిల్లిన మాటనీ, ఆ గాలినీ నీ
గడప ముందు ఆగి,తన రెక్కల్ని
విదుల్చుతూ, నిన్ను చూసే
ఒక చిన్ని పక్షినీ, దాని
గొంతుకనీ, ఆ కళ్ళనీ...
అందుకే
6
ఇక, ఇప్పుడు నీ చుట్టూతా
శిశువు గొంతుకలో ఊరుతున్న తొలి మాట వంటి ఒక కాంతి-
వేణువులోకి
సంశయంగా
అడుగిడిన ఒక ఊపిరి, ఊదేవానికి ప్రాణం పోసినట్టు, ఇక ఇక్కడ
నిదురించే ఒక మనిషీ (అతనే), వానలో వెలిగిన ఒక దీపమూ
దీపంలో ఒదిగిన గాలీ
మబ్బులూ నక్షత్రాలూ
ఇక ఒక మాటానూ -
7
మరి, ఇంతకూ తెలుసా నీకు?
ఉవ్వెత్తున ఎగిసే వరి పైరులపై, చుట్టూతా ఝుంకారం వంటి ఒక చీకటిలో
అలలు అలలుగా తేలిపోయే
తూనీగ పాదాల తాకిడికి
వలయాలుగా విస్తరిస్తున్న
ఆ లేత పసిడి వన్నెల - ఆ మన, ఆ అనామక, ఆ మన, మనం అనే -
ఆ మాటా, ఆమని ప్రదేశం?
తల్లి పాలిండ్లని
ReplyDeleteలేత పిడికిట బిగించి, పాలు త్రాగే
పసి పెదాల లోకాలూ, వాటిపై
నర్తించే ఆదిమ శబ్దాలూ-adhbuthamaina kavithvam needi.vardillu..