బంతిపువ్వు

 

అప్పుడు, నీ కాళ్ళు వొణుకుతాయి -
క్షణకాలం, గుండె
ఆగిపోతుంది. పెదాలు ఎండి

తల దించుకుంటే, పైన ఆకాశంలో
మబ్బులు: నల్లగా -
పెద్దగా వీచిన గాలికి వేపపూలు

జలజలా రాలతాయి. ఎక్కడో, వాన -
దాని తడీ వాసనా
నీలోనా, వెలుపలా? తెలియదు -

ఎప్పటికో “వెళ్ళనా?” అని వినపడి
మరి తలెత్తి చూస్తే,
ఆక్కడే ఒక చక్కని ముఖం, ఇక

తేటగా, వాన వెలిసి, మబ్బుల్లోంచి
బయటపడి మెరిసే
సూర్యబింబంలా, చినుకులు

ఆగి, గాలికూగే బంతిపువ్వులా!

____________________________

 ఈమాట జులై సంచికలో ప్రచురితం

https://eemaata.com/em/issues/202207/29024.html