నిర్వాసితులు

రాత్రంతా వర్షం: హోరున కురిసిన
చీకటి -
***
ధారగా కారే నీళ్ళల్లో, ఊగే లతలు -
గోడకు రాసుకుంటూ, ఆకులు
కొట్టుకులాడే సవ్వడి: నీలో -

తడిచిపోయాయి సమస్థం: లోపల
ఒక ప్రకంపన. నీ చుట్టూ నువ్వే
చుట్టుకున్న చేతులు రెండూ

ఖాళీ విశ్వాలై, వెక్కిళ్ళ రాత్రుళ్ళై  -
***
ఏమీ లేదు -
రాత్రంతా కురిసిన వర్షంలో, వీచిన
చీకటిలో
***
మసకబారిన ఒక దీపం -
నీకై చూసీ చూసీ, ఇక ఒంటరిగానే
మిగిలిపోయిన

ఒక ఖాళీ దోసిలి -