సాయంత్రం అయ్యింది.
మబ్బులు కమ్మి, ఇటుక పొడి వంటి కాంతి చుట్టూతా.
వేసవి గాలి: అయినా కొంత సంతోషం ~
నువ్వు నాటిన బచ్చలి తీగ
బాల్కనీ ఊచలకి అల్లుకుని ఊగుతుంది, అక్కడక్కడే ఎగిరే
పక్షుల్లాంటి ఆకులతో, కొంత సంతోషంతో ~
కుండీల మధ్య చిన్ని స్థలంలో
ఒక చిన్న గూడును ఏర్పరచుకుని ఒక తెల్లని పావురం
రెండు గుడ్లని పొదుగుతోంది: దాని కళ్ళల్లో
నువ్వూ, కొంత సంతోషం: కొంత శాంతితో
~ పచ్చని జీవితంతో, అలా జీవించడంలో ~
సాయంత్రం అయ్యింది.
మబ్బులు కమ్మి, వేగంగా గాలులు వీచి, ఇటుక పొడి వంటి కాంతి
ఇక నెమ్మదిగా చీకటి తేమతో, రాబోయే
ఒంటరి రాత్రితో: అయినా, కొంత ఆనందం ~
మొక్కల్లో, పూచిన ఎర్రని
చిన్ని చిన్ని పూలల్లో, పరచుకున్న ధూళిలో, చిగురించబోయే
చినుకు వాసనలో, అంతటా
ఏదో జన్మించబోతున్న
ఒక సంరంభం. కోలాటం: ఒక లాలిత్యమైన నిశ్శబ్ధ ఉత్సవం ~
సృజనా
నువ్వు లేవు కానీ, చూడూ
ఇక రాత్రంతా ఇక్కడ వాన కురియబోతోంది!
మబ్బులు కమ్మి, ఇటుక పొడి వంటి కాంతి చుట్టూతా.
వేసవి గాలి: అయినా కొంత సంతోషం ~
నువ్వు నాటిన బచ్చలి తీగ
బాల్కనీ ఊచలకి అల్లుకుని ఊగుతుంది, అక్కడక్కడే ఎగిరే
పక్షుల్లాంటి ఆకులతో, కొంత సంతోషంతో ~
కుండీల మధ్య చిన్ని స్థలంలో
ఒక చిన్న గూడును ఏర్పరచుకుని ఒక తెల్లని పావురం
రెండు గుడ్లని పొదుగుతోంది: దాని కళ్ళల్లో
నువ్వూ, కొంత సంతోషం: కొంత శాంతితో
~ పచ్చని జీవితంతో, అలా జీవించడంలో ~
సాయంత్రం అయ్యింది.
మబ్బులు కమ్మి, వేగంగా గాలులు వీచి, ఇటుక పొడి వంటి కాంతి
ఇక నెమ్మదిగా చీకటి తేమతో, రాబోయే
ఒంటరి రాత్రితో: అయినా, కొంత ఆనందం ~
మొక్కల్లో, పూచిన ఎర్రని
చిన్ని చిన్ని పూలల్లో, పరచుకున్న ధూళిలో, చిగురించబోయే
చినుకు వాసనలో, అంతటా
ఏదో జన్మించబోతున్న
ఒక సంరంభం. కోలాటం: ఒక లాలిత్యమైన నిశ్శబ్ధ ఉత్సవం ~
సృజనా
నువ్వు లేవు కానీ, చూడూ
ఇక రాత్రంతా ఇక్కడ వాన కురియబోతోంది!
