erasure

"ఎందుకు రాయడం లేదు? నువ్వు? "

పంటితో పెదవిని బిగించి, అంతదాకా
ఎంతో శ్రద్ధతో
వేసిన బొమ్మనేదో, తిరిగి

ఓ పాపాయి అంతే తదేకంగా రబ్బరుతో
తుడుపుతోన్నట్లు,
తుడిపి పేజీని మలిపినట్లు,

ఇక్కడ, ఋతువు తరువాత ఋతువు -
ఎండ మలుపులోంచి
వాన గీతలు లోనికి జొరబడి,

మరొక శీతాకాలం ఒక నలుపు సీతాకోకై
ఈ హృదయంపై
వాలి, రెక్కలతో మృత్యువును

ఇటువంటి రాత్రుళ్ళతో వినిపించేదాకా ...
***
"ఎందుకు రాయడం లేదు? నువ్వు?

అడగకు.