నిదురను ఆశించిన కళ్ళకు
కనులు మూయలేని కలలు ఇచ్చావు
మంచినీళ్ళను ఆశించిన అరచేతులకు
యిక ఎన్నటికీ తీరని
దాహాన్ని ఇచ్చావు
విరామాన్ని ఆశించిన పాదాలకు
యిక ఒక చోట నిలువలేని
స్థిమితం లేని ప్రయాణాన్ని ఇచ్చావు
పదాలను ఆశించిన పెదాలకు
అనంతమైన మౌనం ఇచ్చావు
నీడను ఆశించిన శరీరానికి
నిలువ నీడ లేని లోక రీతిని చూపించావు
సముద్రాన్ని ఆశించిన హృదయానికి
ఏడు ఎడారులను ముంగిట పెట్టావు
ఫరీదా, యిక ఇంతకంటె
ఎక్కువ చెప్పడం నిషిద్ధం
ఎందుకంటే
నువ్వెక్కడా అని ఎవరైనా అడిగితే
రాయిగా మారిన ఒక పూవునూ
తాగే మధుపాత్రనూ చూపిస్తాను-
:-)
ReplyDelete