నిమ్మకాయ రంగు దుస్తులు వేసుకుని
కూర్చున్నావు,
ఒళ్ళో చేతులు చాపుకుని -
ఎదురు చూస్తున్నావా ఎవరికోసమైనా?
ఎండలో, గాలిలో
ఊగే తూనీగలు నీ ఎదురుగా -
ఏదో ఆలోచిస్తావు. ఒకోసారి, తల వంచి
ఫోన్ చూసుకుంటావు,
ఆనక 'నో' అని తల విదుల్చుతావు -
***
నిమ్మకాయ రంగు ఎండలో, కూర్చుని
లేచావు; నీ తేనె
కళ్ళలో, ఇసుక తెరలూ, కూలిన
భవంతీ, తెగ నరికిన చెట్టూ. నీడ లేక
ఇంతసేపూ నువ్వు
ఎదురు చూసింది, ఎవరికోసం?
No comments:
Post a Comment