తల ఒగ్గిన చెట్ల కింద ఒకమ్మాయి-
కృంగిన నీ తలను ఎత్తి, తనని నువ్వు చూసినప్పుడు
నీ చుట్టూతా తెల్లని పూల నీడలు-
ఆకాశానికీ భూమికీ ఒక వల వేసి
నిన్ను ఊపినట్టో, జోకోట్టినట్టో- గాలి.
అలలుగా వెళ్ళిపోయే సరస్సులోని కాంతి.
నీళ్ళల్లో సగం మునిగిన ఆ గులకరాళ్ళు
ఎలాగూ మాట్లాడవు: అందుకని, ఇక
వాటిని తీసి, నీ గుండెలో దాచుకుని
వాటి స్థానంలో నానిన నీ కళ్ళని ఉంచి
తన వైపు చూస్తావు: అదే-ఆ అమ్మాయి వైపే
తల ఒగ్గిన చెట్ల కింద, మాగిన నీడల్లో
నుల్చున్న అమ్మాయి వైపే: అప్పుడు
- అప్పుడే - అడుగుతుందా అమ్మాయి
ఎంతో అమాయకంగా మరెంతో విస్మయంగా చిన్నగా:
"ఎక్కడికి వెళ్ళిపోతున్నాయీ అలలు?"
ఇక అప్పుడు,
ఆ సాయంసంధ్యలో తనువొగ్గిన చెట్ల మీదుగా
నీ లోపల కుంగిపోతున్న సూర్యబింబం వైపు
ఎలా
తన చూపుని మళ్ళించగలవు నువ్వు?
కృంగిన నీ తలను ఎత్తి, తనని నువ్వు చూసినప్పుడు
నీ చుట్టూతా తెల్లని పూల నీడలు-
ఆకాశానికీ భూమికీ ఒక వల వేసి
నిన్ను ఊపినట్టో, జోకోట్టినట్టో- గాలి.
అలలుగా వెళ్ళిపోయే సరస్సులోని కాంతి.
నీళ్ళల్లో సగం మునిగిన ఆ గులకరాళ్ళు
ఎలాగూ మాట్లాడవు: అందుకని, ఇక
వాటిని తీసి, నీ గుండెలో దాచుకుని
వాటి స్థానంలో నానిన నీ కళ్ళని ఉంచి
తన వైపు చూస్తావు: అదే-ఆ అమ్మాయి వైపే
తల ఒగ్గిన చెట్ల కింద, మాగిన నీడల్లో
నుల్చున్న అమ్మాయి వైపే: అప్పుడు
- అప్పుడే - అడుగుతుందా అమ్మాయి
ఎంతో అమాయకంగా మరెంతో విస్మయంగా చిన్నగా:
"ఎక్కడికి వెళ్ళిపోతున్నాయీ అలలు?"
ఇక అప్పుడు,
ఆ సాయంసంధ్యలో తనువొగ్గిన చెట్ల మీదుగా
నీ లోపల కుంగిపోతున్న సూర్యబింబం వైపు
ఎలా
తన చూపుని మళ్ళించగలవు నువ్వు?
No comments:
Post a Comment